القيصريه والتوفير

يمكنك قراءة المزيد عن الأدوية التالية من خلال زيارة قسم روشته علاجية بموقعنا

  • المكمل الغذائي ميلجا ادفانس لتقوية الاعصاب لها فعالية حقن الاعصاب Milga Advance
  • تخفيف اعراض نزلات البرد مع اقراص سينلرج Sinlerg خافض للحراره
  • كبسولات بيبزول Pepzol لعلاج حموضه و قرحه المعده و دواعى استخدامها
  • بيوتين فورت كبسول Biotin Forte الحل الامثل لمشاكل الشعر والاظافر وتأخير الصلع

القيصريه والتوفير

دلوقتى هنعرف مع بعض معنى كلمة القيصريه والتوفير واسباب الولاده القيصريه وايه هيا اضرار الولاده القيصريه فى مكان غير موثوق فيه او اننا بنفكر فى التوفير وبس

القيصريه والتوفير

زمان .. كانت الولاده القيصريه شيء نادر الحدوث و كانت كل السيدات بتولد طبيعي ..
اما دلوقت فبنلاقي كل الستات بتولد قيصري و المحظوظه بس هي اللى بتفلت و تولد طبيعي !!
.
الحقيقه ان ده مش ذنب الدكاتره لوحدهم .. فيه حالات كتيره بتيجي تطلب تولد قيصري بناء على رغبتها
و ده بيكون نتيجه خوف او عدم فهم كامل للموضوع ..
البوست ده مش عشان نتكلم في فوايد الطبيعي و اضرار القيصري لان مفيش فايده !!
البوست ده هدفه انك قبل ما تقرري تولدي قيصري لازم تعرفي ان القيصريه دى عمليه كبيره
زيها زي المراره و الفتق و غيرها و يمكن اكبر و اخطر كمان ..

يعني ايه الكلام ده ؟؟؟


يعني مهم جدا المكان اللي هتولدي فيه ..
تجهيزه و تعقيمه و مدي استعداده للطوارئ و استقبال حديثي الولاده .. مش بس سعره !
كمان مهم جدا .. الدكتور اللي هيشتغل العمليه ..
لان دى فتح و قفل و غرز و خبره في التعامل مع المواقف المختلفه و الطوارئ ..
مش بس هياخد كام !
.
بعد ما حضرتك بتقومي بالسلامه كل اللى بتشوفيه هو جرح الجلد ..
واللى ممكن يكون انيق و صغير و ممكن يكون كبير و قبيح و مؤلم .. صح ؟


لكن محدش بيشوف تحت الجلد ده حصل ايه و هنا بقي بنشوف الحالات اللى جايه بعد القيصريه بشهور بتعاني من احدى هذه الاعراض :


* آلام مزمنه في الحوض
*آلام مزمنه في مكان خياطه الجلد
*آلام اثناء الجماع
*تأخر في الانجاب
*نزيف رحمي في غير ايام الدوره الشهريه .. و غيرها ..
.
بيقول المثل الشعبي العبقري ” يبقي ابني علي كتفي و ارجع ادور عليه ؟ !! ”
عشان بقي مترجعيش تدوري علي ابنك اللى كان على كتفك ..
يبقي الوقايه خير من العلاج
و من الاول نختار صح عشان نتعالج صح
نختار المكان المجهز صح ..
نختار الدكتور المؤهَل صح
و بلاش تحسبيها بطريقه ” بكام ” ..
لان علاج مشاكل بعد القيصريه مش رخيص و ممكن يفشل برضه !
يعني اللي حضرتك بتوفريه النهارده حتدفعي ضعفه بكره
مش مهم انه دكتور ياخد منك مبلغ قليل وتوفري تفتكري انك شاطره متحسبيهاش كده
صحتك اهم
#دكتور_مفيد
#روشتة_دوت_كوم
#الدواء_بقى_أونلاين

في نهاية موضوعنا اليوم عن القيصريه والتوفير ..

يمكنك قراءة المزيد عن الأدوية التالية من خلال زيارة قسم روشته علاجية بموقعنا

  • المكمل الغذائي ميلجا ادفانس لتقوية الاعصاب لها فعالية حقن الاعصاب Milga Advance
  • تخفيف اعراض نزلات البرد مع اقراص سينلرج Sinlerg خافض للحراره
  • كبسولات بيبزول Pepzol لعلاج حموضه و قرحه المعده و دواعى استخدامها
  • بيوتين فورت كبسول Biotin Forte الحل الامثل لمشاكل الشعر والاظافر وتأخير الصلع

اترك رد

لن يتم نشر عنوان بريدك الإلكتروني.